De Film weist d‘Etappe vum Duerchféiere vum Projet Sacs d’histoires am Lëtzebuerger Kontext : eng Geschichteposch gëtt an der Klass agefouert an e puer Posche reese bei verschidde Famillen.
Enseignanten an Eltere äussere sech zum Projet a firwat hien hinne wichteg ass.
Zum Schluss komme Réckmeldunge vun Enseignanten, déi de Projet bei sech probéiert hunn.
D’Geschichteposch gëtt an der Klass agefouert a si erzielt e bësse vu sech.
D’Sproochevilfalt vun de Kanner gëtt vun der Léierin opgegraff a valoriséiert.
Et geet drëm, datt d’Kanner d’Geschicht kenne fir se duerno mat heem ze huelen. De Projet mécht d’Bréck mam Elterenhaus
D’Geschichteposch ass op Besuch bei engem Meedchen aus dem Cycle 1 (Spillschoul), dat Portugisesch doheem schwätzt.
D’Mamm an d’Meedchen erzielen d’Geschicht an ameséieren sech mat passend Aktivitéiten ronderëm d‘Buch.
D’Mamm erkläert, wéi wichteg et fir se ass, wann hir Familljesprooch an engem Buch mat heem kënnt.
Enseignanten aus engem Cycle 1 erschaffen zesummen Aktivitéite fir eng Geschichteposch.
Si ginn d‘Detailer zur Sproochesituatioun an hire Klassen a weisen, datt déi Sproochevilfalt ganz positiv ass. e.a. fir de Versteesdemech vun de Kanner vis-à-vis vun aner Kulturen.
Wichteg ass, datt d‘Geschichten och fir ze lauschteren verfügbar sënn : esou erschléisst sech d’Buch och fir Elteren, déi eventuell net liese kënnen.
D’Geschichteposch ass bei engem Meedchen aus dem Précoce, wou d’Familljesprooch Lëtzebuergesch ass. D’Elteren erkennen, datt d’Kand scho bewosst op verschidde Sproochen ronderëm sech reagéiert a si emfannen et als eng Chance, dat een zu Lëtzebuerg mat méi Sprooche kann ëmgoen.
D’Geschichteposch ass bei engem Bouf aus dem Précoce, wou d’Familljesprooch haaptsächlech Bosnesch (BCMS) ass. D’Mamm hält drop, dat d’Kanner déi Sprooch doheem och nach praktizéieren.
D’ganz Famill ameséiert sech mat Aktivitéiten aus der Geschichteposch an notzt do d’Bosnescht an d’Lëtzebuergescht.
Elteren aus e puer Klasse vum Cycle 1 hëllefe ganz kreativ bei engem Elteremoien Material fir e puer Geschichteposchen auszeschaffen.
D’Geschichteposch ass bei engem chinesesche Bouf aus dem Cycle 1. D’Mamm äussert sech zur komplexer Sproochesituatioun. D’Famill bastelt a kacht am Kontext vum Buch aus der Posch.
Biller aus de Famillen an Aussoen zur Geschichteposch
... eppes wat ech kann ëmsetzen en eppes wat de Kanner Spaass mécht a mir och
... e Projet, deen eis matenee verbënnt
... Emotiounen eriwwerbréngen
... Zesummebrénge vu ville Kulturen an an dësen Zäite méi wichteg denn je
... ech freeë mech op de Sac d’histoires vum nächste Joer
Ministère de l’Éducation nationale, de l’Enfance et de la Jeunesse
Service de Coordination de la Recherche et de l’Innovation pédagogiques et technologiques (SCRIPT)
Anne-Marie Antony
Tél. : 247-85184
anne-marie.antony@men.lu
