Ee fir se All – All fir Een !

Original : Einer für Alle – Alle für Einen!

D’Geschicht vum Brigitte Weninger a vum Eve Tharlet ass a 16 Sproochen erzielt (Lëtzebuergesch, Albanesch, Däitsch, Englesch, Arabesch, Kapverdianesch, Chinesesch, Spuenesch, Persesch, Franséisch, Italienesch, Polnesch, Portugisesch, Russesch a BCMS (Serbokroatesch) an Türkesch).

D’Buch erzielt d’Geschicht vun enger Maus, déi d’Welt entdecke wëll. Ënnerwee begéint si verschidden Déieren, déi si op hirer Rees begleeden. All d’Déieren hunn hier Stäerkten, awer och hir Schwächten. Zesumme bréngen si vill fäerdeg.

Mat relativ vill Text erlaabt des Geschicht et mat de Kanner iwwer wichteg Theme wéi Frëndschaft, Selbstbewosstsinn, Zesummenhalt, Toleranz an och Inclusioun ze schwätzen.

Am Set ass d’Buch op Däitsch, eng CD an en de Link zu den Iwwersetzungen op Edudocs (Accès nëmme fir Léierpersonal, dat beim Projet matmëcht) .

Dëst Buch bitt sech virun allem fir d'Zyklen 1.2 an 2 un.

Rentrée 2021 : De Parcours vun enger Geschichteposch wärend der Pandemie vum Covid 19

Informatioune fir d'Léierpersonal

Am Prinzip ginn et keng spezifesch Aschränkungen méi wat d’Benotze vum Sac d’histoires ugeet.

Folgendes ass awer ze beuechten :

  • Eventuell spezifesch Recommandatioune vun Ärer Regionaldirektioun
  • D’Benotze vum Material, dat einfach ka gebotzt ginn.

Wann een oder méi positiv Fäll an Ärer Klass sinn, dann ass de Projet wgl. esou unzepassen :

D’Ausléine leeft just all zwou Wochen:

  • 1. Woch: Ausléinen un ee Kand a Retour un den Enseignant
  • 2. Woch: D’Geschichteposch geet fir 72 Stonnen an d’Quarantän, gëtt dono vum Enseignant kontrolléiert, kennt eng 2. Kéier fir 72 Stonnen an d’Quarantän an ass prett fir e weidert Ausléinen

W.e.g. Plüschmaterial évitéieren a Material benotzen wat gewäsch oder desinfizéiert ka ginn.

Halt Iech wgl. un d’Recommandatiounen aus dem Vademecum “Spillen a Léieren am éischte Cycle an Zäite vu COVID-19”

Kontakt

Ministère de l’Éducation nationale, de l’Enfance et de la Jeunesse 

Service de Coordination de la Recherche et de l’Innovation pédagogiques et technologiques (SCRIPT)

Anne-Marie Antony et Sabine Tonnar

Tél. : 247-85184
anne-marie.antony@men.lu
sabine.stoltz@men.lu

 

 

logo SCRIPT       SECAM