Wien hëlleft dem Ouschterhues

Original: Wer hilft dem Osterhasen

D’Geschicht vum Silvia Hülser ass op der Lëtzebuerger CD a 6 Sproochen erzielt (Lëtzebuergesch, Arabesch, Kapverdianesch, Chinesesch, Persesch a Polnesch).

Et existéiert zousätzlech eng CD vum Editeur vum Buch mat 12 Sproochen (Däitsch, Franséisch, Italienesch, Rhäto-romanesch, Albanesch, Serbokroatesch, Englesch, Portugisesch, Spuenesch, Tamoul, Türkesch a Schwäizer-Däitsch).

Nieft dëse Sproochen, sinn nach d’geschriwwen Iwwersetzunge vum Text op Kurdesch, Russesch, Serbo-kyrillesch, Somalesch an Thaï um Site vum Editeur verfügbar.

D’Buch erzielt mat relativ vill Text d’Geschicht vum Ouschterhues, dee sech just virun Ouschtere verletzt an dann aner Déieren em Hëllef freet.

Am Buch fënnt een op ville Säiten Ausdréck a verschidde Sproochen. Dëst erméiglecht eng gewësse “Ouverture aux langues”. Och a verschidde Biller fënnt sech déi interkulturell Approche erëm. Natierlech bitt d’Buch sech och u fir iwwer Ouschteren ze schwätzen.

Am Set fënnt een d'Buch op Däitsch, 2 CDen an de Link fir d’Iwwersetzungen online ze fannen.

Dëst Buch bitt sech virun allem fir den Zyklus 1.2 an den Zyklus 2 un.

Rentrée 2021 : De Parcours vun enger Geschichteposch wärend der Pandemie vum Covid 19

Informatioune fir d'Léierpersonal

Am Prinzip ginn et keng spezifesch Aschränkungen méi wat d’Benotze vum Sac d’histoires ugeet.

Folgendes ass awer ze beuechten :

  • Eventuell spezifesch Recommandatioune vun Ärer Regionaldirektioun
  • D’Benotze vum Material, dat einfach ka gebotzt ginn.

Wann een oder méi positiv Fäll an Ärer Klass sinn, dann ass de Projet wgl. esou unzepassen :

D’Ausléine leeft just all zwou Wochen:

  • 1. Woch: Ausléinen un ee Kand a Retour un den Enseignant
  • 2. Woch: D’Geschichteposch geet fir 72 Stonnen an d’Quarantän, gëtt dono vum Enseignant kontrolléiert, kennt eng 2. Kéier fir 72 Stonnen an d’Quarantän an ass prett fir e weidert Ausléinen

W.e.g. Plüschmaterial évitéieren a Material benotzen wat gewäsch oder desinfizéiert ka ginn.

Halt Iech wgl. un d’Recommandatiounen aus dem Vademecum “Spillen a Léieren am éischte Cycle an Zäite vu COVID-19”

Kontakt

Ministère de l’Éducation nationale, de l’Enfance et de la Jeunesse 

Service de Coordination de la Recherche et de l’Innovation pédagogiques et technologiques (SCRIPT)

Anne-Marie Antony et Sabine Tonnar

Tél. : 247-85184
anne-marie.antony@men.lu
sabine.stoltz@men.lu

 

 

logo SCRIPT       SECAM