Dat klengt rout Hung

Original : The little red hen

Et gëtt des Geschicht a ville Versiounen; hei ass d’Versioun vum Byron Barton genotzt ginn. D’Geschicht ass a 17 Sproochen erzielt (Lëtzebuergesch, Albanesch, Däitsch, Englesch, Arabesch, Kapverdianesch, Chinesesch, Spuenesch, Franséisch, Italienesch, Mazedonesch, Hollännesch, Polnesch, Portugisesch, Rumänesch, Russesch a Serbokroatesch).

D’Buch erzielt d’Geschicht vun engem Hong mat senge Jippelcher, dat e Brout bake wëll. Et freet seng Kollegen em Hëllef, mee si hunn aneres ze dinn …

Mat wéineg Text a ville Widderhuelungen erlaabt des Geschicht et mat de Kanner iwwer d’Etappe vum Weesskär bis zum fäerdege Brout ze schwätzen, mee och Theme wéi Frëndschaft an Egoismus unzeschwätzen.

Am Set ass d’Buch op franséisch, eng CD an eng DVD mat den Iwwersetzungen.

Dëst Buch bitt sech fir de Precoce an de Cycle 1 un.

Rentrée 2021 : De Parcours vun enger Geschichteposch wärend der Pandemie vum Covid 19

Informatioune fir d'Léierpersonal

Am Prinzip ginn et keng spezifesch Aschränkungen méi wat d’Benotze vum Sac d’histoires ugeet.

Folgendes ass awer ze beuechten :

  • Eventuell spezifesch Recommandatioune vun Ärer Regionaldirektioun
  • D’Benotze vum Material, dat einfach ka gebotzt ginn.

Wann een oder méi positiv Fäll an Ärer Klass sinn, dann ass de Projet wgl. esou unzepassen :

D’Ausléine leeft just all zwou Wochen:

  • 1. Woch: Ausléinen un ee Kand a Retour un den Enseignant
  • 2. Woch: D’Geschichteposch geet fir 72 Stonnen an d’Quarantän, gëtt dono vum Enseignant kontrolléiert, kennt eng 2. Kéier fir 72 Stonnen an d’Quarantän an ass prett fir e weidert Ausléinen

W.e.g. Plüschmaterial évitéieren a Material benotzen wat gewäsch oder desinfizéiert ka ginn.

Halt Iech wgl. un d’Recommandatiounen aus dem Vademecum “Spillen a Léieren am éischte Cycle an Zäite vu COVID-19”

Kontakt

Ministère de l’Éducation nationale, de l’Enfance et de la Jeunesse 

Service de Coordination de la Recherche et de l’Innovation pédagogiques et technologiques (SCRIPT)

Anne-Marie Antony et Sabine Tonnar

Tél. : 247-85184
anne-marie.antony@men.lu
sabine.stoltz@men.lu

 

 

logo SCRIPT       SECAM